Բարի գալուստ A TV` հեռուստատեսություն հաճույքի համար:

Լավ համբավ` զերծ անճաշակությունից եւ էժանագին արտադրանքից: Հենց այս հատկանիշների շնորհիվ էլ կարճ ժամանակում ձեւավորվեց նոր հեռուստաալիքի լսարանն ու ճիշտ ընկալումը: Հեռուստատեսություն ժամանցի համար. սա է  մեր կարգախոսը:

Նոր, հետաքրքիր, ժամանցային, թեթեւ ու գեղեցիկ, երբեմն արտասովոր և անպայման հարուստ ու համարձակ` ձեւով ու բովանդակությամբ:

Ալիքի ցերեկային եթերի կարեւոր ձեռքբերումը մանկական հաղորդումներն են: Ցերեկային եթերում մանկական հաղորդումներն ու մուլտֆիլմերը ամենադիտվողն են.  մենք ցուցադրում ենք նոր ու հետաքրքիր մուլտսերիալներ, ստեղծում նոր մանկական հաղորդաշարեր:

Մենք ներկայացնում  ենք լավագույն ֆիլմերը` պրեմիերաներ, համաշխարհային գլուխգործոցներ: Մեր ֆիլմերի ընտրողը հեռուստադիտողն է. նրանց ճաշակով ու պահանջով առաջիկայում սպասվում են նոր ֆիլմեր, հայկական ու հոլիվուդյան  բեսթսելլերներ եւ հեղինակային ֆիլմեր…

Մեր այցեքարտը հայալեզու ֆիլմերն են.  կրկնօրինակման ստուդիայով կարելի է հպարտանալ, որովհետեւ մենք լավագույնն ենք այս ասպարեզում: Մեր ծավալներն այնքան էլ մեծ չեն, բայց մեր միջոցով օտարալեզու կինոն խոսում է գրագետ ու գեղեցիկ հայերենով:

Դեռ այն ժամանակ, երբ չկային հեռուստատեսային չափիչ սարքերն ու մաթեմատիկական բանաձեւերի վերածված վարկանիշային աղյուսակները, մի խելացի իտալացի ասել է. «Հեռուստատեսության իրական տերն ինքը` հեռուստադիտողն է, կա կառավարման վահանակ, որի միջոցով հարգելի հեռուստադիտողն ինքն է որոշում իր հեռուստատեսային օրը, ու որպեսզի հասարակությունն ընտրի քեզ, ստիպված ես մտածել նրա նման»:  Այն պահից, երբ հեռուստատեսությունը սկսեցին ոչ միայն դիտել, այլև  չափել, երբ այն լրատվամիջոցից վերածվեց բիզնեսի, երբ կառավարման վահանակը սկսեց որոշել հեռուստածրագրերի ճակատագիրը, հեռուստատեսություն ստեղծելը դարձավ բարդ, բայց հետաքրքիր: Մենք չենք վախենում  բարդություններից, մենք սիրում ենք մեր հեռուստադիտողին, մենք ստեղծում ենք հեռուստատեսություն հաճույքի համար եւ դա անում ենք մեծագույն հաճույքով:

ԴԻՏԵՔ A TV` հեռուստատեսություն հաճույքի համար